Para Utusan 5

I Ananias sareng Ni Sapira Padem krana Mobabin Roh Sang Hyang Pengardi

Kaceritayang mangkin, wenten adiri anak lanang sane mapesengan Ananias. I Ananias sareng kurenannyane sane mapesengan Sapira ngadol pategalannyane apleban. 2 Raris saking asil ngadol tegale punika wenten jinah sane kasepel olih I Ananias kaanggen kaperluannyane praragan. Turmaning Ni Sapira uning paindikane punika. Salanturnyane sisan jinahe kaserahang ring Sang Hyang Yesuse. 3 Raris dane Petrus mataken kapining I Ananias sapuniki, “Wih Ananias, ngudake manah ragane kakuasain ratun para setan? Ragane malaksana dusta kapining Sang Hyang Pengardi, tatkala ragane ngengkebang jinah saking asil ngadol pategalan punika, nanging ngaku makasami sampun kaserahang. 4 Sadereng ragane ngadol pategalane punika, boyake pategalane punika gelah ragane? Kenten pada, sasampune ragane ngadol pategalane punika, boyake jinahne kari gelah ragane? Nanging ngudake ragane madue rencana sane jaat ring manah kantos ragane dusta kapining tiang sami? Ragane nenten ja dusta kapining manusa nanging dusta kapining .” 5 Ritatkala I Ananias mirengin baose punika, ipun ebah raris padem. Makasami anake sane mirengin paindikane punika dados jejeh pisan. 6 Irika raris para truna-trunane rauh saha ngaput sawan I Ananiase. Tur ipun ngosong sawane punika medal raris kakubur.

7 Sasampune sawetara telung jam, kurenan I Ananiase ngranjing mrika. Ipun nenten uning paindikane sane mamargi iwawu. 8 Dane Petrus raris mabaos kapining Ni Sapira sapuniki, “Yaktike amuniki asil ragane ngadol tegale punika?”

Raris Ni Sapira masaur sapuniki, “Inggih yakti amunika ajin tegale.”

9 Raris dane Petrus mabaos malih sapuniki, “Ngudake ragane sareng kalih pada adung nguji Roh Sang Hyang Pengardi? Cingakin ja! Anake sane ngubur kurenan ragane sampun ring pamedale. Ipun pada jagi ngosong sawan ragane.”

10 Jeg saget Ni Sapira ebah tur padem ring arepan dane Petrus. Ritatkala truna-trunane punika ngranjing, dapetanga Ni Sapira sampun padem. Raris ipun sami medal ngosong sawannyane tur kakubur ring samping kurenannyane. 11 Irika raris makasami krama druen Sang Hyang Yesuse lan makasami anake sane mirengin paindikane punika dados jejeh pisan.

Para Utusan Sang Hyang Yesus Akeh Nglaksanayang Paindikan sane Ngangobin

12 Para utusan Sang Hyang Yesus akeh nglaksanayang praciri lan paindikan sane ngangobin ring arepan anake akeh. Lan makasami anake sane pracaya ring Sang Hyang Yesus sering mapunduh dados siki ring Amben Salomo ring Genah Agung Mabakti kapining Sang Hyang Pengardi. 13 Yadiastun anake lianan nenten bani sareng-sareng mapunduh irika, nanging ipun ngajiang para pengiring Sang Hyang Yesuse. 14 Lan ngancan sue ngancan akeh anak lanang wiadin istri dados pracaya kapining Sang Hyang Yesus. 15 Krana sekancan paindikan ngangobin sane kalaksanayang olih para utusane punika, akeh anake sungkan kabakta ka sisin margine. Ipun sami kasirepang irika ring tandune lan tikehe. Tatujone mangdane ritatkala dane Petrus liwat irika anake sungkan punika keni lawat dane Petruse. 16 Samaliha akeh anake saking desa-desa nampek Kota Yerusalem rauh mrika. Ipun sami ngatehang anak sungkan miwah sekancan anak sane karangsukin . Anake punika makasami kasegerin.

Para Utusan Sang Hyang Yesus Kabebasang saking Buine

17 Duk punika, penglingsir agung sareng para pengiringnyane, inggih punika soroh anak , dados iri ati. Irika raris ipun ngawitin nglawan para utusane punika. 18 Raris ipun ngejuk tur ngrangkeng para utusane punika ring bui kotane. 19 Nanging duk wengine punika, korin buine kabukak olih Sang Hyang Tunggal, tur para utusane punika katuntun medal. Malekate punika mabaos sapuniki, 20 “Luas ja ka Genah Agung Mabakti kapining Sang Hyang Pengardine tur orahin ja anake ditu kenken carane apang maan idup sujati!”

21 Irika raris para utusane punika satinut ring baos malekate. Ritatkala galang kangin, ipun sami luas ka Genah Agung Mabakti kapining Sang Hyang Pengardi. Irika dane makasami ngajahin anake akeh.

Duk punika, rsi penglingsir agung sareng para pengiringnyane rauh lan mrentahang pengadilan agamane inggih punika saluirin pemimpin Bangsa Israele mangda sangkep. Irika raris ipun nikain para tukang jaga genah mabaktine mangda ngambil para utusan Sang Hyang Yesuse saking buine, raris kabakta ring arepan pengadilane. 22 Nanging ritatkala para tukang jagane punika rauh ka buine, ipun nenten manggihin para utusane irika. Tukang jagane punika raris mawali tur ngortiang indike punika ring pengadilane, 23 saha matur sapuniki, “Ritatkala titiang sami rauh ring buine, titiang napetang buine punika makunci rapi, tur para penjagane sedek majaga ring korine. Nanging ritatkala titiang ngampakang korine punika, nenten wenten anak ring tengah buine.” 24 Ritatkala pemimpin tukang jaga genah mabaktine sareng para pemimpin rsine mirengang atur tukang jagane sekadi punika, ipun sami bingung. Ipun sami mapineh-pineh napike sane jagi mamargi.

25 Raris wenten adiri anak lanang ngranjing saha matur sapuniki, “Pirengin ja titiang! Anake sami sane krangkeng jerone punika mangkin sedek ngajahin anake akeh ring genah mabaktine!” 26 Irika raris pemimpin tukang jaga genah mabaktine sareng para tukang jaga sane lianan luas tur ngejuk para utusane punika. Nanging ipun nenten ja gemes kapining para utusane, krana ipun sami jejeh yening anake akeh nimpugin ipun nganggen batu kantos padem.

Para Utusan Kaadilin ring Arepan Pengadilan Agama Yahudi

27 Kaceritayang para utusane kabakta ring arepan Pengadilan Agama Yahudine. Irika rsi penglingsir agung mabaos ring para utusane punika 28 sapuniki, “Tiang sami sampun nenten pisan ngicen ragane ngajahin indik Anake punika. Nanging pamuputne, ragane sami ngortiang pengajahane punika ring saluirin Kota Yerusalem. Samaliha ragane melihang tiang makasami indik Anake punika sampun kasalibang.”

29 Nanging dane Petrus lan para utusane punika nyaurin sapuniki, “Titiang sami musti satinut kapining Sang Hyang Pengardi bandingang kapining manusa. 30 Jerone sampun nyalibang lan ngamademang Sang Hyang Yesus, nanging Sang Hyang Pengardi sasembahan leluhur iragane sampun nguripin Ida malih sekadi jati mula. 31 Ida kalinggihang ring sisi kenawan Sang Hyang Pengardi, inggih punika ring genah sane luih tur agung. Ida kadadosang Pemimpin lan Juru Rahayu mangda Bangsa Israele prasida saking urip sane lan nerima . 32 Titiang sami dados saksi sekancan paindikane punika. Roh Sang Hyang Pengardi taler dados saksi, inggih punika Roh sane kapicayang ring titiang sami sane tinut kapining Sang Hyang Pengardi.”

33 Ritatkala para pemimpin pengadilan agamane mirengin baose punika, manah ipune kalintang gedeg raris ipun sami pada adung jagi ngamademang para utusan Sang Hyang Yesuse. 34 Nanging wenten adiri anak ring Pengadilan Agama Yahudine sane mapesengan Gamaliel. Dane nenten tios guru agama sane kaajiang olih anake akeh. Dane ngadeg tur mrentahang mangda para utusan Sang Hyang Yesuse kabakta medal ajebos. 35 Irika raris dane mabaos ring pengadilane punika sapuniki, “Duh semeton anak Israel, pinehang ja becik-becik indik napi sane jagi laksanayang semeton kapining anake punika! 36 Krana idumun wenten anak sane mapesengan Teudas sane nungkasin pemrentahan Romawine. Ia ngaku-ngaku dados pemimpin agung tur madue pengiring samas (400) diri. Nanging ia kapademang tur makasami pengiringnyane sambrag tur ical. 37 Sasampune paindikane punika, ritatkala masan panjake kasensus, wenten malih anak sane mapesengan Yudas saking Wawidangan Galilea. Ia pada ngranayang akeh anake ngiring ia mangda nungkasin pemrentahan Romawine. Nanging ia pada kapademang tur makasami pengiringnyane sambrag. 38 Nah sane mangkin, manut tiang, sampunang ja kudiang-kudianga anake puniki, nanging banggiang ja ipun sami. Krana, yening rencana lan parilaksanan ipune maasal saking manusa, pastika jagi ical. 39 Nanging yening maasal saking Sang Hyang Pengardi, semeton makasami nenten ja mresidayang ngalahang ipun. Minab penadosne semeton nglawan Sang Hyang Pengardi.”

Irika pitutur dane Gamaliel katerima olih pengadilan agamane. 40 Raris para pemimpine punika ngamanggil para utusan Sang Hyang Yesuse. Salanturnyane ipun sami kapecutin, tur kanikain mangda nenten malih ngajahin indik Sang Hyang Yesus. Raris ipun sami kabebasang.

41 Irika raris para utusan punika matilar saking Pengadilan Agama Yahudine saha masukarena krana kaanggep pantes kanistayang dados pengiring Sang Hyang Yesus. 42 Sebilang dina para utusane nglanturang ngajahin ring genah mabaktine lan ring jeron-jeron wargane. Irika ipun sami pada ngortiang indik Sang Hyang Yesus nenten tios sane maarti Sang Prabu Sane Kajanjiang.

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”